LAOAG CITY – Kinumpirmaran ni U.S. President Donald Trump nga indiaya na ti panangipatulod na kadagiti tropa da iti Mexico tapno tulungan ni Mexican President Claudia Sheinbaum a mangparmek ti drug trafficking.
Nupay kasta, inbatad ni Trump a nagkedkedan ti Mexican President ti indiayana a tulong iti nadakamat a pagilian.
Inlawlawag ni Trump nga inaramid na daytoy gapu ta ti drug cartels ket nakaam-amak a tattao a nangitunda ti pannakapapatay ti rinibo a tattao.
Mainaig iti daytoy, mamati ni President Trump a kabutbuteng ti Mexican President ti drug cartels isut gapuna a saan a makapanunot a nasayaat.
Nupay kasta, inkalintegan ti Mexican President a saanna nga inawat ti diaya ni Trump gapu ta ti soberenya da ket saan a mailaklako, kagiddan ti panangibutaktak na a pilpiliten ti US president ti Mexico a mangipalubos iti naun-uneg a pannakairaman ti militar ti Amerika kontra kadagiti drug cartels tapno maparmek ti trafficking agingga iti border da.
