LAOAG CITY – Nakagun-od ti rekord ti Presidente ti Maldives kalpasan a nangisayangkat daytoy ti agarup 15 nga oras a press conference.
Dimmanon iti pakabuklan a 14 nga oras ken 54 a minuto ti marathon press conference ni Maldives President Mohamed Muizzu.
Daytoy ket maibilang a kapautan a press conference no sadinno naartapanna ti 14 nga oras nga insayangkat ni Ukrainian President Volodymyr Zelensky idi Oktubre 2019 nga immunan a naartapanna ti pito nga oras a press conference ni Alexander Lukashenko.
Adda ti sumurok 20 nga agirakrakurak ti nagatendar iti press conference no sadinno nagduduma a saludsod ti sinungbatan ti Presidente.
Idi 2009 ket nakagun-od met ti rekord ti dati a Presidente ti Maldives a ni Mohamed Nasheed iti babaen ti panangisayangkatna tiunderwater cabinet meeting iti Indian Ocean tapno mapaneknekan ti pangta ti panagngato ti lebel ti baybay.
