LAOAG CITY – Inrakurak ni Atty. Joel Gines, Provincial Election Supervisor nga awan ti naawat ti Provincial COMELEC a reklamo mainaig iti Final Sealing and Testing dagiti Automated Counting Machine.
Segun kenkuana, idi nangisayangkatda ti Final Sealing and Testing kadagiti Automated Counting Machine sumagmamano nga aldaw sakbay iti aldaw ti eleksion ket awan ti timmaod nga aniaman a problema.
Kabayatanna, inlawlawag ni Atty. Gines a masapol nga inpakaammo ni Mayor Michael Marcos Keon ti arungaingna iti opisinada kalpasan a maipagarup nga adda dagiti sumagmamano a voter receipt a saan a rummuar ti naganna.
Inpettengna a fake news dagitoy nga agwarwaras a damag gapu ta awan met ti mangipaneknek iti daytoy a pasamak.
Mainaig iti daytoy, kinarit ti Provincial Election Supervisor nga ag-resign daytoy iti puesto no bilang mapaneknekan a pudno dagiti mapaspasamak nga isyu.
