LAOAG CITY – Inpasingked ni Engr. Carlos Tayag, Regional Director ti Department of Environment and Natural Resources – Mines and Geosciences Bureau, nga updated dagiti geo-hazard maps ti nasao nga ahensya.
Inbatad na nga ad-adda pay a pinaigetan da ti koordinasyon da kadagiti lokal a gobierno tapno maamoan da no ania dagiti lugar a dakkel ti posibilidad na a pakapasamakan ti landslides wenno malayos.
Kuna na a babaen iti daytoy ket nasapsapa a maibakwit dagiti residente a maapektaran ti kalamidad.
Innayon na nga aktibo pay ti Geo-Hazard Operation center da aglalo iti panawen ti kalamidad.
Inpakaammo pay ni Tayag a karaman nga ar-aramiden da ket ti mangisyu ti geo-hazard advisory kadagiti lokal a gobierno tapno nasapsapa da a maamoan ti sitwasyon.
Inpalgak ni Tayag nga adda pay ti scientific base ngem saan a rumbeng nga agdependar idi daytoy no di ket napinpintas no mapan a mismo iti field tapno makita a mismo dagiti pakapasamakan ti landslide.
