LAOAG CITY – Inrakurak ni United States President Donald Trump a matuloy ti trade talks iti nagbaetanda ti China.
Daytoy a rakurak ket kalpasan ti panagsinnarita da Trump ken ni Chinese President Xi Jinping iti sumurok maysa nga oras.
Inbatad ni Trump a maisayangkat ti trade talk ti dua a pagilian inton Hunio 9 idiay London.
Naammoan a dagiti sumagmamano nga agatendar a miembro ti gabinete daytoy ket isuda Treasury Secretary Scott Bessent, Secretary of Commerce Howard Lutnick ken United States Trade Representative Ambassador Jamieson.
Maipalagip a naaddaan ti trade war ti Estados Unidos ken China gapu iti panagngato dagiti taripa ti tunggal pagilian.
