LAOAG CITY – Temporario a nagsardeng ti operasion ti eropuerto idiay Israel gapu iti kumarkaro a tensionda ti Iran.
Segun ken ni Bombo International News Correspondent Elvie Pregua, malaksid iti daytoy ket nagsardeng pay ti serrek dagiti amin a pagadalan, opisina, pasdek negosio ken dadduma pay tapno maliklikan a mairaman ti rinnupak ti dua a pagilian.
Inbatadna a naiget ti panangbantayda ti siren a mangipasimudaag ti insigida a panagturongda iti shelter bomb.
Inlawlawagna a rabii pay laeng idi ti Huebes ket nangrugin a nangiwayat ti airstrike ti Israel kontra Iran kalpasan a naammoanda nga agar-aramid ti Iran ti nuclear bomb.
Kunana a nangideklarar ti Iran ti dua nga aldaw a panangiwayatda ti drone strikes idiay Israel.
Mainaig iti daytoy, inpakaammo ni Pregua nga agarup amin a lugar idiay Israel ket addaan ti iron dome no sadinno ti kangrunaan a maprotprotektaran ket ti Tel Aviv ken ti eropuerto.
Nupay kasta, inadmitirna a napigsa ti resulta ti drone strikes gapu ta arig aggined pay ti kinapigsana gapu iti agsasaruno a panagbettak dagitoy.
Innayonna iti baet ti manarimaan a mapaspasamak iti pagilianda ket natalged met dagiti Pilipino nga adda iti lugarda.
