LAOAG CITY – Nagtitipon dagiti suporters ni dati a Pakistan Prime Minister Imran Khan ken nagpanawagan a mawaya-wayaan daytoy.
Daytoy ket kalpasan nga inbutaktak ti pamilya ti agtawen ti 74 a ni Khan nga arigna agbulseken ti akin-kannawan a mata na ngem awan ti addang nga ar-aramiden dagiti prison authorities.
Ti cricket star -turned politicians a sumangsango ti nasurok a 100 a kaso ket nasentensyaan a mabalund ti 17 a tawen gapu iti kurapsyon iti napalabas a tawen.
Sumagmamano kadagiti kaso na ket ti panangiparuk-at ti state secrets iti babaen ti panaglako na ti state gift.
Nabalud ti dati a presidente idi Agosto 2023 kadwa na ti asawa na a ni Bushra Bibi.
Naiwaras met dagiti pulis iti lawlaw ti prison facility a nakabaludan mi Khan tapno maliklikan ti aniaman a saan a nasayaat a mapasamak kadagiti dadduma a balud.
