LAOAG CITY – Naglikudan ti Malacañang a nasuspenso ti klase iti pagadalan iti intero a pagilian ita nga aldaw ti Lunes, Oktubre 5 kas panagselebrar iti World Teacher’s Day.
Basar iti Presidential Communications Office (PCO) nga awan ti aniaman nga inparuk-atda nga anunsio a nakanselar ti klase.
Binaladakanda ti publiko nga saan nga agiwaras ti peke nga anunsio iti online.
Kunada a napateg a manipud kadagiti official government sources ti pagalan dagiti impormasion wenno anunsio.
Innayonda pay nga awan pinirmaan ni Presidente Ferdinand Marcos Jr a proclamation na mangsupenso ti klase ita nga aldaw.
Nupay kasta, adda dagiti sumagmamano a local government units a nangsupenso ti face-to-face classes gapu iti panangselebrar ti National Teacher’s Day.
