LAOAG CITY – Inbatad ni Dr. Socorro Galanto, Provincial Director ti Technical Education and Skills Development Authority a naruay dagiti scholarship program nga ididiaya ti nasao nga ahensia.
Segun ken Galanto, adda iti training courses manipod tourism sector, agriculture sector, ken manufacturing no sadinno karaman ditoy ti solar power ken panagrepair kadagiti babassit nga appliances.
Mainaig iti daytoy, aw-awisen ni Galanto dagiti interesado, nangruna dagiti agtawen ti 18 agpangato a kayatna a gundawayan ti nasao nga programa.
Kunana a naruay dagiti benepisyo a maipaay kadagitoy kas iti libre a matrikula, allowance kabayatan ti training, ken makaala da pay ti national certificate a mabalin da usaren kas advantage no sumrek da iti trabaho.
