LAOAG CITY – Naglikudan da House Spokesperson Atty. Princess Abante ken House prosecutor, Bukidnon Rep. Jonathan Keith Flores ti inrakurak ni Senator-elect Erwin Tulfo a plano nga ipila manen iti 20th Congress ti impeachment case wenno complaint kontra ken ni Vice President Sara Duterte.
Inbatad ni Atty. Abante, awan ti mangmangngegna iti nasao nga impormasion isu a saanna a masinunuo no nakangngegan daytoy ni Tulfo.
Inpetteng ni Abante a na-transmit daytoyen ti Kamara iti Senado ti Articles of Impeachment ken padpadaananda laengen ti panangipatungpal ti Senado iti responsibilidad daytoy a mangiwayat ti impeachment trial.
Kuna met ni Rep. Flores, awan ti aniaman a panagsasarita mainaig iti panag-refile ti impeachment complaint ken mamati daytoy a ti nasao nga addang ket maikanniwas iti one year ban rule.
