LAOAG CITY – Inbutaktak ti Taiwan nga adda ti sumurok 70 a Chinese military aircraft ti limmabas iti teritorioda iti uneg laeng ti 24 nga oras.
Ti nasao nga insidente ket napasamak sumagmamano nga aldaw kalpasan ti panaglayag ti barko ti United Kingdom iti Taiwan Strait.
Agtultuloy a pappapigsaen ti China ti deployment dagiti fighter jets ken naval vessels idiay Taiwan.
Ipilpilit ti China a paset pay laeng kadakuada ti nasao nga Isla ngem naiget a naglikudan daytoy ti Taiwan.
Ad-adda pay a nakagura ti China gapu iti panagbalin a nasinged ti Taiwan iti Estados Unidos.
Maipalagip nga idi Hunio 18 idi naglayag ti British Royal Navy patrol vessel HMS Spey iti Taiwan Strait a kinondenar daytoy ti China.
