LAOAG CITY – Mamati ni Bombo International News Correspondent Peter Portuguez manipud idiay Israel a napinpintas no trabaho ti idiaya ti gobierno kadakuada imbes nga ayuda.
Daytoy ket kagiddan ti mapaspasamak a gubat iti nagbaetan ti Israel ken Iran.
Segun ken ni Portuguez, nasaysayaat no livelihood assistance ti idiaya kadagiti padana nga Overseas Filipino Workers imbes a financial assistance.
Inbatadna a babaen iti daytoy ket maisuro kadagiti Pilipino a saan laeng a nakadepende wenno mangnamnama ti ipaay a tulong ti gobierno kadakuada.
Mainaig iti daytoy, inpakaammona nga iti agdama ket naulimek ken awan ti mapaspasamak nga airstrike wenno missile attack iti pagilianda.
Innayonna nga adda ti agarup 30 a ribu a Pilipino ti adda idiay Israel.
