LAOAG CITY – Nabirukan a maysan a bangkay ni Transport minister Roman Starovoit, sumagmamano nga oras kalpasan nga inikkat iti pwesto ni Russian President Vladimir Putin.
Ni Starovoit ket addan agarop maysa a tawen nga agserserbi kas transport minister iti Russia.
Naamoan a nakita laengen ni Starovoit iti uneg ti lugan na nga adda ti tama ti bala iti ulo na ken awanen ti biagna.
Inpasigurado ti Russia Investigative Committee a mangiyuswat da ti naun-uneg nga imbestigasyon mainaig iti pannakatay ti transport minister.
Kabayatanna, saanen a nangipaay ti naan-anay a detalye wenno rason ti Kremlin no apay a naikkat iti pwesto ni Starovoit.
