LAOAG CITY – Inpanamnama ni Sang Panlungsod member Bjorn Lao, akin-distrito iti Barangay Lapaz, a mangipaay da ti tulong iti pamilya ni Jesus Pascual, agtawen 58, residente iti Barangay 32-B, Lapaz kalpasan a pimmusay kalpasan a nagaburan iti daga kabayatan nga agkalkali iti maar-aramid a bubon iti Barangay 33-B, Lapaz.
Inbatad ni Lao a nagturong a dagus iti nadakamat a barangay kalpasan nga inpakaammo ni Dr. Melvin Manuel ti pasamak.
Inpakaammo ni Lao a nakasarita na metten ni Konsehal Jaybee Baquiran ken inkari na nga isuna ti makaammo ti pannakaitabon ti biktima.
Maipalagip a nagpaot ti sumuruk-kumurang a dua nga oras ti retrieval operation sakbay a naiyaon ti biktima babaen kadagiti responders pakairaman ti Bureau of Fire Protection, City Disaster Risk Reduction and Management Council, City Health Office ken dadduma pay a maseknan nga ahensia ti gobierno.
