LAOAG CITY – Umabot iti 25 a tattao ti naitaray iti ospital kalpasan a maipagarop a na-overdose da ti droga iti West Baltimore.
Basar iti report, lima kadagiti naitaray iti ospital ket kritikal ti kondisyon da idinto a dagiti dadduma ket seryoso met ti kondisyon da.
Ti insidente ket napasamak iti asideg ti road intersection iti Penn North area ti ciudad.
Gapu iti napasamak ket pinaserraan paylaeng ti Maryland Department of Transportation ti kaabay da a subway station kabayatan a nakaserra dagiti kalsada.
Inbatad ni Fire Chief James Wallace a kabayatan ti kaadda dagiti personnel da iti road intersection ket naobserbaran da dagiti sumagmamano nga indibidual a naidumduma ti gargaraw da ken daytoy ket sintomas dagiti nakaro ti naipauneg na a droga.
