LAOAG CITY – Balligi a naisayangkat ti Bridging Schools for Mental Health Campaign ti gobierno probinsial babaen iti opisina ti Speak Up I’m Here Mental Health center.
Daytoy ket paset ti kalikagum ti Ilocos Norte Youth Development Office iti kapitolyo probinsyal a palawaen ken patibketen ti nasao a programa.
Segun ken ni Youth Development Officer Weenter Ventura, nagturong ti grupo da kadagiti nagduduma a pampubliko a pagadalan ditoy ciudad ti Laoag wenno ti Schools Division of Laoag City tapno direkta a kasarita dagita agtutubo ken ipakaammo kadakuada ti maipanggep ti mental health, panangitandudo ti suicide prevention, ken panangisuro kadagiti istratehiya tapno malabanan ti stress a mapaspasaran ti maysa nga indibidual.
Ditoy pay a ginundawayn ti grupo ti nangpalagip a silulukat ti speak up im here a mangipaay kadagiti serbisyo a kasapulan dagiti agtutubo nu makapaspasar da ti problema iti mental health-da.
Immunan nga inrakurak ni Venturaa daytoy ti maysa kadagiti wagas da tapno idanon ti programa ti gobierno probinsial.
Kunana a napanunutan da daytoy gapu ta patienna a napinpintas no direkta a makasarita dagiti ubbing mainaig iti mental health concern nangruna ket maibilang dagitoy a vulnerable kadagitoy a panawen.
Maipalagip a nalpas da metten a binisita ti Schools Division of Batac, ken iti Schools Division of Ilocos Norte tapno idanon iti kapada met laeng a programa.
