LAOAG CITY – Inpakaammo ni Ms. Mylene Pascual, mangidadaulo ti City Environment and Natural Resources Office ditoy siudad ti Laoag nga adda dagiti nadutokan a Solid Waste Management Officer iti kada opisina ditoy siudad ti Laoag.
Daytoy ket iti tarigagayna a mapagtalinaed nga eco-friendly ken nadalus latta iti aglawlaw ditoy siudad pakairamanan dagiti opisinada iti Laoag City Hall.
Mainaig iti daytoy, gutgutigoten ni Ms. Pascual dagiti amin nga umili nga agusar ti eco bag tapno no mapan gumatang iti tiendaan ket adda ti pangikabilanda kadagiti gatangenda.
Inlawlawagna a daytoy ket nabayagen nga ar-aramiden ti dagiti empleado ti lokal a gobierno ditoy siudad.
Innayonna a no dagitoy a basura ket agkaiwarang nangruna ita a panawen ti panagtutudo ket dakkel ti epektona iti aglawlaw.
