LAOAG CITY – Umaboten iti nasurok a 7 ribo a kaso ti mosquito-borne virus wenno chikungunya virus ti nairekord iti probinsya ti Guandong idiay China nangrugi laeng idi Hulyo ita a tawen.
Naamoan nga iti ciudad ti Foshan ti kaadoan ti nairekord a kaso ken maibilang a karigatan ti sitwasyon dagiti pasyente no sadinno a dagiti kama da ket addaan ti moskitero.
Karaman kadagiti sintomas iti nasao a sakit ket ti panaggurigor, panagsakit dagiti susuop a no dadduma ket agpaot iti sumagmamano a tawen.
Naamoan a ti chikungunya virus ket naidumduma a sakit iti China idinto nga iti South ken South East Asia ken dadduma a paset ti Africa ket gagangay laengen kadakuada ti virus.
