LAOAG CITY – Dinayyeg ti magnitude 6.1 a ginggined iti northwestern province iti Balikesir idiay Turkey a nangitunda ti pannakadadael ti sumagmamano a pasdek.
Segun kadagiti opisyal, dua nga indibidual iti na-trap iti debris gapu iti pannakarpuog iti maysa a pasdek.
Nagsentro ti ginggined iti ili ti Sindirgi, ken nakariknaan iti 200 kilometers iti amianan a paset ti Istanbul a nakaapektaran iti 16 a milyon nga umili.
Segun ken ni Sindirgi Mayor Serkan Sak, uppat a tattao iti naisalakan manipod iti narpuog a pasdek iti nadakamat nga ili idinto a manarimaan ti panang-rescue da iti dua pay a tattao manipod iti istruktura.
Kuna ni Health Minister Kemal Memisoglu a naikabil a dagus iti ospital dagiti uppat a naisalakan ken adda dan iti natalged a kasasaad.
