LAOAG CITY – Pormalen nga agbalin nga accredited learning site for agriculture ti Noble’s Farm iti Barangay 16 ili ti San Nicolas.
Daytoy ket babaen iti panangbigbig ti agricultural training institute kas kumpleto a pakaisayangkatan dagiti training maipanggep iti agrikultura.
Segun ken ni Ms. Cecil Sambrano, Municipal Agriculturist, daytoy a farm ket naestablisar addan ti tallo a tawenen ti napalabas.
Inbatadna nga addaan daytoy ti pagtaraknan ti ayup, pagmulaan ti pagay ken dadduma pay.
Inlawlawagna a ti lokal a gobierno, Technical Education and Skills Development Authority ken pakairamanan dagiti pagadalan nga agkalikagum a mangusar iti daytoy ket maipalubos.
Innayonna a babaen ti inisyatibo ni Mayor Edmar Vincent Bingbong Bonoan ken isuna kas Municipal Agriculturist ket inkagumaanda nga ipagna ti pannaka-accredit-na ti Noble Farm.
