LAOAG CITY – Inpakaammo ni Jail Warden Edietor Guiang nga awanen ti bartolina wenno isolation room ti Ilocos Norte Provincial Jail.
Segun kenkuana, ti isolation room ket saandan nga us-usaren rason a pinagbalinda a bodega daytoyen.
Inbatadna a dakkel a panagyaman dagiti balud gapu ta no bilang adda dagiti balud a makaaramid ti basol ket ipanda iti disciplinary cell.
Inlawlawagna nga adda ti maysa a balud a pinagbalinda a disciplinary cell a malaonna ti 15 a balud ken adda ti comfort room ken beddings ken ceiling fan daytoy.
Innayon ni Guiang a nangiwayat ti inspeksion ti Commission Human Rights no sadinno nga awan ti nakitada a panaglabsing iti anti-torture act.
