LAOAG CITY – Nangipatulod ti pormal a request ti Estados Unidos para iti extradition ni controversial televangelist Kingdom of Jesus Christ leader Apollo Quiboloy.
Daytoy ti kinumpirmaran ni Philippine Ambassador to the US Jose Manuel “Babe” Romualdez.
Naamoan a naipatuloden ti gobierno ti Estados Unidos iti Department of Justice (DOJ) ti Pilipinas dagiti dokumento tapno kiddawen nga i-extradite ni Quiboloy.
Maipalagip a kinasoan ti maysa a federal grand jury iti US ni Quiboloy idi 2021, ken nairaman iti listaan dagiti “most wanted” ti Federal Bureau of Investigation (FBI).
Karaman kadagiti kaso a maipagarop a sangsangwen ni Quiboloy iti US ket conspiracy to engage in sex trafficking by force, fraud, coercion, sex trafficking of children, ken bulk cash smuggling.
Naamoan nga ammo metten ti Malakanyang daytoy a banag
Nailanad iti extradition treaty ti Pilipinas ke US a napirmaan idi 1994 nga amin a kidaw para iti extradition ket maisumitir babaen ti diplomatic channel ken suportaran dagiti dokumento, statements, ken dadduma a klase ti impormasyon a mangdiskribir iti pakabigbigan ken lokasyon ti maseknan nga indibidual.
No mapalubusan ti kiddaw, nailanad iti katulagan a pagsaritaan ti dua a partido ti petsa ken lugar no sadinno nga isuko ti tao a kalikagom a ma-extradite.
