LAOAG CITY – Nagbalin a nabara ti panangsangaili ni United States President Donald Trump ken ni South Korean President Lee Jae Myung a bimmisita iti White House.
Tinalantan ti dua a lider ti panangpapigsa ti relasion ti Estados Unidos ken South Korea.
Ginutigot ti South Korean President ni Trump a kasaritana ni North Korean President Kim Jong Un.
Mamati ni Lee a ni Trump laeng ti makaresolbar ti nagbaetanda ti North Korea.
Maipalagip a kalpasan a nagtugaw ni Lee kas Presidente idi Hulio ket inpetteng ti kabsat a babai ni Kim Jong Un a ni Kim Yo Jong tapno aginnurnos ti dua a lider.
