LAOAG CITY – Inpakaammo ni Dr. Melvin Manuel, mangidadaulo ti City Disaster Risk Reduction and Management Office ditoy siudad ti Laoag a saan pay a naipadas ti sea ambulance.
Segun kenkuana, awan ti mangguyod wenno awan pay ti mangiturong daytoy ken awan ti pangi-duck-anda.
Inbatadna a kasapulan a nauneg ti pangi-duck-anda wenno pangitapugan ti sea ambulance saan ketdi a basta laeng ti pangipadpadsan gapu ta dakkel daytoy.
Kunana a ti sea ambulance ket kukua ti City Health Office nga indonar ti Department of Health iti kallabes.
Innayonna ti sea ambulance ket katulungan ti opisinada no adda dagiti didigra kas ti pangikabilan kadagiti medical equipment ken medical kits tapno maipadanon nga insigida dagiti kasapulan dagiti agpatulong.
