LAOAG CITY – Dumanon iti dua a milyon nga indibidual ti naibakwit idiay Punjab, Pakistan kalpasan ti panaglayos.
Inbatad ni National Disaster Management Chief Inam Haider Malik nga adda ti 150 a ribu nga indibidual met ti naibakwit idiay Sindh province.
Namnamaenna ti panagngato ti nasao a bilang dagiti maibakwit kadagiti sumarsaruno nga aldaw.
Naammoan a ti napigsa a tudo ket nangitunda ti pannakatay ti sumurok 900 a tattao sipod pay idi Hunio.
Kabayatanna, gapu iti sumagmamano nga aldaw a panagtudona ket naglippias dagiti karayan iti nagduduma a paset ti Pakistan.
