LAOAG CITY – Simmango iti Korte ti suspek iti pammaltog a nakatayan ni Charlie Kirk tapno ilawlawag mainaig iti messaging platform a Discord.
Segun iti pannakangiwat ti nasao a kompania, nangipatulod ti mensahe ti suspek a ni Tyler Robinson, agtawen ti 22 kadagiti pagayamna babaen ti chat iti Discord sumagmamano nga oras sakbay a naarestar daytoy iti napalabas a lawas nga adda ti pakainaiganna iti panangpaltog ken ni Kirk iti maysa nga event idiay Utah Valley University.
Posible a sumango ti agsusukot a kaso ti suspek kas ti aggravated murder, felony discharge of a firearm and obstruction of justice ken death penalty.
Inbatad ni Utah Governor Spencer Cox a naarestar ni Robinson kalpasan nga inadmitirna iti amana ti panangpaltogna ken ni Kirk.
Basar kadagiti otoridad, adda ti panagaangaw a panagsasarita da Robinson ken dagiti pagayamna iti group chat ti Discord agraman ti sumurok 20 nga indibidual.
Nupay kasta, inlawlawag ti pannakangiwat ti nasao a platform nga awan ti ebidensia a plinano ti suspek ti insidente wenno nangitandudo ti kinaranggas kas maibasar iti internal investigation ti kompania.
Mainaig iti daytoy, manarimaan pay laeng ti panangestablisar dagiti imbestigador ti motibo ti suspek iti pammaltog no sadinno nga im-imbestigaranda dagiti social media accounts ni Robinson.
Maipalagip a natay ni Charlie Kirk, agtawen ti 31, maibilang a controversial figure iti lubong ti pulitika idiay Estados Unidos ken kaalyado ni United States President Donald Trump kabayatan ti panagbitlana iti Utah Valley University ket kellaat a napaltogan iti tengngedna babaen ti maysa a bala.
