LAOAG CITY – Kinumpirmaran ni Hon. Cherryl Tabangay, Indigenous Peoples Mandatory Representative ditoy probinsya nga ado dagiti nakapending nga aplikasyon ti pannakaititulo dagiti ancestral domain.
Segun kenni Tabangay, ado dagiti proseso isut gapo na a naibayag iti sumagmamanon a tawen.
Inbatad na a posible nga awan to isunan iti Sang. Panlalawigan no malpas dagitoy gapo ta idi nairugi ti aplikasyon ket awan pay ti pannakabagi ti Indigenous Peoples ditoy probinsya.
Nupay kasta, inbatad na a kanayon met ti panag-follow up na iti Central Office tapno aiyalisto.
Maipalagip nga inriing ni Vice Governor Matthew Marcos Manotoc ti pannakaititulo dagiti ancestral domain gapo iti aplikasyon ti lokal a gobierno ti Pagudpud iti Special Economic Zone.
