LAOAG CITY – Naarestar ti maysa a lalaki a nagpammarang a security officer a nagatendar iti memorial service para iti pimmusay nga American Vlogger a ni Charlie Kirk.
Nabigbig ti suspek a ni Joshua Runkles a naammoan a simrek iti National Football League (NFL) stadium nga armado ti paltog ken kutsilyo.
Nagusar pay ti suspek ti peke nga ID ken chapa ti pulis ken kinunana a maysa daytoy a security officer.
Basar iti imbestigasion ti Turing Point USA (TPUSA) authorities, rumrummuar a ti suspek ket mangiwaywayat ti “advance security” para iti maysa a nalatak a guest a plano nga agatendar iti memorial service ngem saan daytoy a nakikoordinar a nasayaat kadagiti otoridad ken iti United States Secret Service.
Naammoan a ti suspek ket sumango iti kaso a “Felony” gapu iti panagpammarangna kas maysa nga opisial a pulis ken illegal posession of firearms met gapu iti panangitugotna ti armas iti nasao a lugar.
