LAOAG CITY – Kiniddaw ti Mayors for Good Governance (M4GG) ken ni House Speaker Faustino “Bojie” Dy III no mabalin a luktan ti rekord ti National Expenditure Program (NEP) ken General Appropriations Act (GAA) para iti 2023 agingga 2025.
Nailanad iti surat a kayatda a maammuan ti rekord kadagiti nagduduma a proyekto kas iti alokasion para iti imprastruktura, social services ken dadduma pay a proyekto.
Ti surat ket napetsaan iti Oktubre 2, a gagem na a makita a ti pondo ket nailatang kadagiti umno a proyekto.
Sumagmamano kadagiti nagpirma iti surat ket pakairamanan da Baguio Mayor Benjamin Magalong, Pasig Mayor Vico Sotto, Quezon City Mayor Joy Belmonte, ken Isabela City Mayor Sitti Hataman.
