LAOAG CITY – Nagpanawagan dagiti eksperto nga awaten wenno suportaran ti harm reduction iti umas-asideg a tobacco control summit ti World Health Organization inton Nobiembre.
Maitantandudo daytoy kas ‘proven method’ tapno kissayan ti smoking-related deaths.
Iti maysa a briefing a nag-host ti Consumer Choice Center idiay Makati City, agpada a nagpanawagan ti global ken Filipino experts para iti World Health Organization Framework Convention on Tobacco Control a “fully integrate harm reduction into tobacco control.”
Inbatad ni Consumer Choice Center president Fred Roeder ti report ti Public Health England a mangipakpakita a ti vaping ket 95% a saan a narisrisgo no idasig iti sigarilyo, rumrummuar a nataltalged nga alternatibo ket ‘paradoxically attacked more fiercely than cigarettes.”
