LAOAG CITY – Nangipaay ti maysa a pribado a kompanya ti tulong kadagiti estudyante iti Special Program for Education iti South Central School iti ili ti Badoc.
Segun kenni Mr. Joseph Vergel Calajate, CEO ti JVC, consortium ken nangidaulo iti programa, umabot iti 39 nga estudyante iti Special Program ti benepisyaryo.
Inbatad na a karaman kadagiti inpaay da ket dagiti school supplies, ay-ayam, makan ken dadduma pay.
Inlawlawag na a daytoy nga inaramid da ket paset iti Corporate Social Responsibility ken panagyaman da met iti komunidad.
Kunana a napili da ti SPED iti daytoy a tawen gapo iti ragsak ken talento dagiti maseknan nga ubbing.
Kabayatanna, tinawen met a maisaysayangkat daytoy ken agduduma a wagas a tulong ti maipapaay kadagiti nagduduma met a sektor.
