LAOAG CITY – Naarestar ken naisyuan citation ticket ti dua nga indibidual kalpasan iti panaglabsingda iti Provincial Ordinance 037-2023 wenno illegal quarry iti ili ti Badoc.
Dagiti natiliw ket maysa a lalaki, agtawen 52, naasawan, residente iti Badoc ken drayber ti Isuzu mini dump truck, ken maysa a lalaki, agtawen ti 48, naasawaan, residente iti nasao nga ili ken drayber iti white nga Isuzu mini dump truck.
Segun iti personel ti Badoc Municipal Police Station, dagiti indibidual ket natiliw gapu iti panaglabsingda iti No Container, No Cover, ken No Official Receipt/Sales Invoice kabayatan a ti maysa ket naglabsing iti No Cover, No Government Sticker, ken No Official Receipt/Sales Invoice.
Naamoan a dagiti behikulo ket naipasidong iti Badoc Municipal Police Station.
