LAOAG CITY – Balligi a natiliw ti maysa a lalaki iti naiyuswat nga anti-illegal drug buy-bust operation iti Barangay 2, Sta. Joaquina ditoy ciudad ti Laoag.
Ti suspek ket agtawen ti 28, awanan ti asawa, maysa a food delivery rider ken residente iti Barangay 32-C, Lapaz ditoy ciudad.
Segun kenni Police Lt. Col. Andrew Rabang, ti chief of police ti Philippine National Police ditoy ciudad ti Laoag, ti suspek ket maibilang nga street level individual.
Inlawlawag na ti suspek ket maipagarop a naglako ti dua a sachet iti maatap a shabu iti nagpammarang a police poseur buyer iti City Drug Enforcement Unit ditoy cuidad.
Malaksid iti daytoy, nakumpiskar pay kenkuana ti pito a sachet a maatap a naglaon ti shabu nga agdagsen iti 2.1 grams pakairamanan ti 1,000 pesos a buy-bust money.
Kuna ni Rabang a ti suspek ket nabiit pay a sipsiputen dagiti kameng ti pulisya kalpasan nga innaganan dagiti umunan a natiliw.
Innayon na a ti suspek ket sumango iti kaso a panaglabsing iti Republic Act 9165.
