LAOAG CITY – Inpasigurado ti Office of the Vice President a naka-monitor ti Office of the Vice President-Southern Mindanao Satellite Office (OVP-SMSO) iti situasion kalpasan ti napigsa a gingined idiay Manay, Davao Oriental.
Basar iti Office of the Vice President, naka-standby isuda tapno tumulong kadagiti local government unit kas ti pannakaipaay ti relief assistance kadagiti evacuees.
Ginutigot ti Office of the Vice President dagiti naapektaran a residente a dumalan iti psychological first aid nangruna kadagiti ubbing a nakarikna ti nakaro a panagbuteng gapu iti napigsa a gingined.
Inabisoan ti Office of the Vice President dagiti residente nga agsagana ti Go Emergency Bags iti baet kadagiti aftershocks.
