LAOAG CITY – Naideklara ti state of calamity iti Manay idiay Davao Oriental kalpasan ti dua napigsa a gingined iti lugar.
Ti ummuna a panagdayyeg ket nagpigsa iti magnitude 7.4 iti bigat ken iti mikadua ket magnitude 6.8 idi rabii.
Ti pannakaideklara ti state of calamity tapno mausar ti ili ti pondo para iti response ken rehabilitation efforts.
Gapo iti gingined ket nakaapektaran iti 17 a barangay ken saan pay a naisubli ti serbisyo iti elektrisidad.
Segun kenni Mayor Jon Marco Dayanghirang, kasapulan da ti tulong manipud iti national government gapo iti gingined partikular iti pannakataraimaan dagiti nadadael a pagtaengan ken dadduma pay kas iti rangtay, government facilities, ken dagiti pagadalan.
Karaman kadagiti pasilidad a nadadael ket ti Manay District Hospital.
Gapo iti daytoy ket napagbalin pay laeng a ward ti bakante a lote para iti kinatalged dagiti pasyente ken personnel.
Kabayatanna, adda ti pito a tattao ti natay iti Davao Region gapo iti gingined.
Basar iti datos manipud iti Office of Civil Defense (OCD), tallo ti natay iti Mati City idinto a ti dua ket manipud iti Pantukan, Davao de Oro.
Idiay met Davao City, agtawen ti 80 a lakay kalpasan a natamaan ti narpuog a concrete wall iti Purok 3, Soliman, iti Barangay Tomas Monteverde.
