LAOAG CITY – Manamnama a gumatang ti nayun a life vest ken Go bag ti lokal a gobierno ti ili ti Pagudpud.
Segun kenni Mayor Rafael Benemerito, dagiti life vest ken Go bag ket dakkel a tulong iti ili da aglalo ket masansan a naruay dagiti maibakbakwit a residente ti tunggal adda ti mapasaran a napigsa a tudo ken bagyo.
Immunan a nagyaman ni Mayor Benemerito iti panangipaay ti Provincial Government of Ilocos Norte iti panangidaulo da Gob. Cecilia Araneta Marcos ken ni Bise Gob. Matthew Marcos Manotoc ti life vest ken Go Bag kadagiti amin a Local Government Units ti probinsia a pakairamanan ti ili ti Pagudpud.
Mainaig iti daytoy naamoan nga umabot iti tallopulo a Go Bag ken sanga gasut a life vest ti naawat ti ili a Pagudpud.
