LAOAG CITY – Ado dagiti kalikagom ni Governor Cecilia Araneta Marcos a kiddawen kenni President Ferdinand Marcos Jr.
Inbatad na a kalikagom na a mapapintas ti panagbiag ti tunggal Ilokano ken maaramid na laeng daytoy babaen ti tulong ti Presidente.
Mamati a ti turismo ti maysa kadagiti kasapulan nga ad-adda a mapapintas kas ti pannaka-ipasdek ti parke nga arigna Disneyland.
Mangnamnama a maestablisar daytoy iti kabiitan a panawen gapu ta isu ti naibaga kenkuana.
Malaksid iti daytoy, inbatad na a tapno ad-adda pay a dumakkel ti mapastrek ditoy probinsia ket masapol nga agimbitar iti ad-ado pay nga investors.
Immuna iti daytoy, inpakaammo ti gobernador a ti kangrunaan nga arapaap na para kadagiti Ilokano ket ti saan dan a panagturong iti abroad tapnu agtrabaho ken no ania ti mapastrek da iti ballasiw taaw ket isu met ti masapolan da ditoy probinsya.
