LAOAG CITY – Tallo a tattao ti natay idiay Kenya kalpasan ti panagpalto-paltog ken panagusar ti tear gas dagiti kapulisan iti stadium a nagtitiponan dagiti tattao nga agladladingit ken agkalikagom a makita ti ni dati a Prime Minister Raila Odinga.
Segun iti Prominent rights group Vocal Africa, ti bangkay dagiti tallo a natay ket naipanen iti main mortuary ti ciudad.
Adda met dagiti rumrumuar a malaksid kadagiti tattalo nga indibidual a pimmusay ket adda pay ti maikapat gapo ta maipagarop a saan a nagsardeng ti kapulisan a mangpapanaw kadagiti tattao.
Saan met pay a nalawag no nagusar dagiti pulis ti live ammunition wenno rubber bullets iti arena, a masarakan iti capital, Nairobi.
Nupay kasta, kuna ti Vocal Africa a dagiti tattao a natay ket nagsagaba ti sugat gapo iti tama ti paltog.
Ummuna iti daytoy, pimmusay ni Odinga iti napalpalabas nga aldaw ken idi naisangpet ti bangkay na iti eropuerto ket sinurot dagiti rinibribo a tattao agingga a nakadanon da iti stadium.
