LAOAG CITY – Umad-ado ti bilang dagiti tattao nga agturturong iti dakkel a mall ditoy ciudad ti Laoag kabayatan nga umas-asideg ti paskua.
Daytoy ti inpakaammo ni Ms. Jem Briola, ti Marketing Specialist iti nasao a mall.
Inbatad na a basar iti obserbasyon da ket kaadwan kadagiti agturturong iti mall ket mapan da agkita ti mabalin da nga iregalo intono paskua.
Kunana a ti dadduma ket gumatang dan a nasapa tapno saan dan a makidupudop pay kadagiti sumarsaruno a bolan aglalo intono disyembre.
Mainaig iti daytoy, inpakaammo ni Briola nga addan dagiti ipapaay da a sale kadagiti costumers da a mabalin da a gundawayan.
Segun kenkuana, dakkel a tulong kadagiti customers no adda dagiti sale wenno diskwento gapu ta makainot da iti budget.
Inpanamnama na a possible a ti panangipatungpal da ti sale wenno panangipaay ti diskwento kadagiti produkto iti mall ket agpaot agingga iti holiday season.
