LAOAG CITY – I-archive ti gobierno lokal ditoy ciudad ti Laoag ti plano a pannakaestablisar ti mini-park iti bisinidad ti Laoag Central Elem School.
Daytoy ti inbatad ni Mayor James Bryan Alcid ditoy ciudad ti Laoag.
Inlawlawag ti mayor a daytoy ti nagbalin a desisyon na kalpasan a nangngegan na ti rason dagiti nagannak ken mangisursuro iti Laoag Central Elementary School iti saan da pananganamong iti pannakaestablisar ti nasao a parke.
Kunana a ti maysa kadagiti rason dagiti nagannak ket pakaseknan iti seguridad dagiti estudyante nga ibilang met ti mayor a valid reason.
Kabayatanna, inlawlawag na a ti inpasa ti konseho ditoy ciudad ket maysa laeng a resolusyon nga agkidkiddaw ti pondo ti Department of Public Works and Highways, no sadinno a no saan a maiyanatop ti scope of works da ket saan a matuloy.
Nupay kasta, kuna ni Alcid a no aprobaran ti Department of Public Works and Highways ket mabalin da met nga ireprogram daytoy.
