LAOAG CITY – Inbasura ti International Criminal Court (ICC) ti petisyon ti kampo ni dati a Presidente Rodrigo Duterte mainaig iti hurisdiksion ti korte.
Maibasar iti desision ti ICC Pre-Trial Chamber, inpetteng ti korte nga otorisado a mangituloy iti kaso kontra iti dati a presidente gapu iti crimes against humanity.
Inbatad pay ti ICC a kabaelanda a tamingen ti kaso uray no napasamak ti krimen iti Pilipinas.
Inlaksid pay ti korte ti kiddaw ti depensa a maitantan ti pannakaiparuk-at ti decision a kayat na a sawen ket agtultuloy ti pannakausig na iti The Hague.
Maipalagip a natiliw ni Duterte idi Marso 11 gapu iti kiddaw ti ICC kas paset ti imbestigasion iti “war on drugs” idi presidente daytoy.
Naitantan idi Setiembre 23 ti confirmation of charges gapu iti kiddaw ti kampo ni Duterte.
Kabayatanna, karaman pay nga inbasura ti ICC Pre-Trial Chamber ti kiddaw ti defense team para iti interim release ti dati a presidente.
