LAOAG CITY – Saan pay a masinunuo ti Independent Commission for Infrastructure (ICI) ti eksakto a petsa iti panangrugi ti live streaming iti panagdengngeg ti Komision.
Inbatad ni Independent Commission for Infrastructure Executive Director Atty. Brian Keith Hosaka, agtultuloy pay laeng ti panangtalantan iti pagannurotan ti panag-live stream.
Inpasingked ni Hosaka ti panangrespetar iti karebbengan dagiti imbitaranda a resource persons.
Inpetteng ti Komision a saan a mausar ti Independent Commission for Infrastructure iti grandstanding ken awan ti mapasamak a trial by publicity.
Inpasigurado ni Hosaka a masurot ti rules ti Korte Suprema iti maiyuswat a live streaming.
