LAOAG CITY – Nakasaganan ni dati a House Speaker Martin Romualdez iti ipila a kaso ti Ombudsman kontra kenkuana.
Segun iti abogadona a ni Atty. Ade Fajardo, awan ti maipakitada nga ebidensia dagiti alegasionda kontra ken ni Romualdez.
Inpettengna nga awan ti aniaman a partisipasion ni Romualdez iti pondo ti pannakaipatungpal ti flood control projects.
Innayonna pay nga uray pay ti Independent Commission for Infrastructure (ICI) ket awan ti naduktalanda nga adda ti saan nga umno nga aramid ni Romualdez.
Kabayatanna inbatad ni Atty. Fajardo nga awan pay ti naiwayat a preliminary investigation ken saan pay a pinasubpoenaan ti Office of the Ombudsman ni Romualdez.
