LAOAG CITY – Inbatad ni Mrs. Joan Sampayan iti maysa a Flower Shop ditoy ciudad ti Laoag a posible nga awanen ti paggarawan ti presyo dagiti sabsabong.
Segun kenni Sampayan, no man adda ti paggarawan na kabayatan nga umas-asideg ti Undas ket bassit laeng ti pagngatoan na.
Inlawlawag na ti presyo dagiti lako da ket kas met laeng iti presyo na iti napalabas a bulan.
Mainaig iti daytoy, kunana nga ita ket manipud 200 a pisos agingga iti 500 a pisos ti presyo dagiti naurnos a sabong ken mabalin pay a ngumina depende iti klase ken pannakaurnos daytoy no aniaman ti kayat ti customer.
Inbatad na nga iti agdama ket adon dagiti nagpareserba sumagmamano nga aldaw sakbay ti ibibisita dagiti tattao kadagiti kamposanto.
Dinakamat na pay nga adda dagiti nagoder babaen iti online ken walk in.
