LAOAG CITY – Inbatad ti maysa nga opisyal a ngimmato pay ti bilang dagiti natay iti nadara a police raid idiay Rio de Janeiro no sadinno umaboten iti 132 a tattao.
Inlawlawag na a daytoy ket doble a nangatngato kalpasan ti police operation iti Alemão ken Penha, amianan ti Rio de Janeiro.
Rakurak daytoy ti public defender’s office, ti mangipapaay ti legal assistance kadagiti marigrigat, kalpasan ti nakita na a kaado a bagi dagiti biktima ti napagtitipon iti lugar.
Naamoan a ti police raid ti maibilang a kadaraan iti intero a ciudad no sadinno umabot iti dekada ti pananggandat dagiti otoridad a mangpugipog iti gangs a mangkonkontrol kadagiti marigrigatan a lugar.
Kabayatanna, inbatad ni Rio state Governor Cláudio Castro nga adda ti maiyuswat a forensic work ken ti opisyal a bilang ti pimmusay a naiparuk-at ket 58.
