LAOAG CITY – Temporario nga in-ground-na dagiti American delivery firm nga UPS ken FedEx ti paset dagiti fleets-da ti cargo planes kalpasan ti mid-takeoff crash idiay Kentucky idi Martes a nakatayan ti saan a bumaba ti 14 nga indibidual.
Nauram ti UPS aircraft kabayatan ti panagtalawna iti runway ken naidungpar iti business premises a nangitunda ti dakkel nga apoy a nakauraman dagiti sumagmamano a pasdek ken nagrikep ti Louisville International Airport.
Inbatad ti UPS a ti desision nga i-ground dagiti modelo ti MD-11 ket maiyataday iti pammilin manipud iti manufacturer ti Boeing idinto a kinumpirmaran ti karibal a FedEx a daytoy ket sumaruno a mangipatungpal.
Saan pay a masinunuo dagiti opisial no ania ti namunganayan ti napasamak nga insidente.
Naammoan a sumagmamano nga oras sakbay i-grounded ti fleet, kinumpirmaran dagiti opisial a ti bilang dagiti pimmusay ket dumanonen iti 14 kalpasan a nakita ti maysa pay a bangkay no sadinno dagiti pasdek a nauram ket ikarkarigatan a serreken dagiti otoridad no bilang adda dagiti makitada a bangkay dagiti biktima.
