LAOAG CITY – Umabot iti innem a tattao ti natay kalpasan a nangipabanto ti Russia ti ginasut a missiles ken drone attacks iti energy infrastructure ken pinuntirya da pay dagiti residential iti Ukraine a nagpatpatnag.
Ti naipabanto nga strike iti apartment building iti ciudad ti Dnipro ket nakatayan ti dua nga indibidual ken nakasugatan ti 12 a sabsabali pay idinto a tallo met ti pimmusay iti Zaporizhzhia.
Basar iti report, adda ti pakabuklan a 25 a lokasyon iti Ukraine, karaman iti ciudad ti Kyiv a kabisera ti pagilian ti pinuntirya dagiti strikes ken drones ti Russia.
Gapu iti napasamak ket naruay dagiti lugar a napukawan ti supply ti kuryente.
Mainaig iti daytoy, kinumpirmaran ni Prime Minister Yulia Svyrydenko a nagpasar ti nakaro a perdisyon dagiti major energy facilities iti Poltava, Kharkiv ken Kyiv regions.
