LAOAG CITY – Nangisayangkat manen ti militar ti US ti airstrike iti maysa a bangka a mapapati a nagkarga iti iligal a droga iti Eastern Pacific a nakatayan ti innem nga indibidual.
Kinumpirmaran ni Secretary of Defense Pete Hegseth ti pasamak a nakatayan ti innem a tattao.
Inbatadna a dagiti suspek ket maibilang a terorista a karaman iti panagipuslit iti droga.
Manipud idi Setiembre, addaanen ti US ti 19 nga airstrikes no sadinno umabot iti 76 a tattao ti napapatay.
Immunan a kinondenar ti United Nations ti pasamak ken kunana a saan a makatato ti panangtarget ti eroplano ti US kadagiti maipagarup ga addaan ti iligal a droga.
