LAOAG CITY – Impasigurado ni Ukrainian President Volodymyr Zelensky ti panagsubbotdda kalpasan ti inwayat nga airstrike ti Russia iti shopping center idiay Kryvi Rih, central Ukraine.
Iti nasao nga insidente, umaboten iti 16 nga indibidual ti natay.
Mainaig iti daytoy, agtultuloy ti rescue oprations dagiti rescuers kadagiti nadadael a pasdek.
Ti nasao a lugar nga inatake ti Russia ket ti lugar no sadinno a pagnanaedan ni Zelensky.
Maipalagip a namin-adon a daras a tinarget ti Russia ti Kryvi Rih, central Ukraine sipud pay laeng idi nangrugi ti rinnupak dagiti dua a pagilian.
Kabayatanna, iti uneg tu 24-oras, 13 a Ukrainiansen ti nairekord a natay, ken idinto a dua a suldado met ti natay iti Russia.
