LAOAG CITY – Balligi a naiwayat ti Barangay Nutrition Action Plan 2026-2028 Formulation Workshop ditoy ciudad ti Laoag.
Ti aktibidad ket nakipartisiparan dagiti Barangay Chairman, Kagawad, Barangay Heath Workers, Barangay Treasurer ken nagduduma pay a grupo ken organisasyon.
Iti babaen ti naiwayat a workshop ket napagsasaritaan ken naadal ti kasasaad ti nutrision ti tunggal komunidad.
Malaksid iti daytoy, natratra pay no kasanu nga amwen ti problema ken madeterminar dagiti wagas tapno ad-adda pay a masalwadan ti salun-at dagiti umili.
Innayon na a napateg ti salun-at isut gapuna a kasapulan a kitaen ken bantayan a nasayaat daytoy babaen ti tulong ti barangay.
Kabayatanna, inpasingked ti lokal a gobierno iti panangkita wenno agtultuloy a pannakaiwayat dagiti programa a dakkel a makatulong iti salun-at dagiti umili ditoy ciudad ti Laoag.
